Advayavajra
Tattvaratnāvalī
namaḥ śrivajrasattvāya|
praṇamya vajrasattvasya caraṇāmbhoruhadvayam|
tattvaratnāvalīṃ brūmaḥ śaraccandrāmaladyuteḥ|| (1)
sadāmnāyaparibhraṣṭatamovṛtadṛśām iyam|
tattvaratnāvalī samyak puṃsāṃ tattvaprakāśinī|| (2)
(upodghātaḥ)
tatra trīni yānāni, śrāvakayānaṃ pratyekabuddhayānaṃ mahāyānaṃ
ceti| sthitayaś catasraḥ, vaibhāṣika-sautrāntika-yogācāra mādhyamika-
bhedena| tatra vaibhāṣikasthityā śrāvakayānaṃ pratyekabuddhayānaṃ
ca vyākhyāyate| mahāyānaṃ ca dvividhaṃ, pāramitānayo mantranayaś
ceti| tatra ca pāramitānayaḥ sautrāntika-yogācāra-mādhyamika-sthityā
vyākhyāyate| man-tranayas tu yogācāra-mādhyamika-sthityā vyākhyā-
yate| yogācāraś ca dvi-vidhaḥ, sākāra-nirākāra-bhedena| evaṃ mādhy-
amiko'pi māyopamādva-yavādi-sarvadharmāpratiṣṭhānavādi bhedāt dvi-
vidhaḥ|
(śrāvakayānaṃ)
tatra śrāvakaḥ trividhaḥ, mṛdumadhyādhimātrabhedāt| atra ca mṛdu-
madhyau pāścātyavaibhāṣikau, adhimātras tu kāśmīravaibhāṣikaḥ|
I. tatra mṛduśrāvakasya vicāraḥ| nīlapītādibāhyārthāṅgīkārapūrvakaṃ
pudgalasya nityānityatvaviyuktim āheti vivṛtiḥ| tad uktam-
(p1)
asti khalv iti nīlādi jagad iti jaḍīyase|
bhāvagrahagrahāveśagambhīranayabhīrave|| (3)
asti pudgalo- "bhāravāho ṇa ṇiccaṃ bhaṇāmi ṇāṇiccam bhaṇāmī" ti, pu-
dgalaś ca rāgavān saṃsaratīti rāgaprahāṇāyāśudhā bhāvanā dhyānam|
aśubhā bhāvanā tu śarīrasya biṇ-mūtra-śukra-śoṇita-ślesmāntāntra-siṃhā-
naka-cikkiṇa-klomaka-plīhā-yakṛt-prabhṛti-samudāyarūpatānirūpaṇam|
tad uktam-
imaṃ carmapuṭaṃ tāvat svabuddhau ca pṛthakkuru|
asthipañjarato māṃsaṃ prajñāśastreṇa mocaya|| (4)
asthīny api pṛthakkṛtvā paśya majjānam antataḥ|
kim atra sāram astīti svayam eva vicāraya|| (5)
iti| pudgalasya nityatvadarśanapūrvārohaḥ samādhimalam| yāvaj jīvaṃ
buddhaṃ dharmaṃ saṃghaṃ śaraṇaṃ gacchāmi, kiṃ punar vandyau su-
gatau'tha buddhau, yāvat kuśalamūlaṃ tam ekam ātmānaṃ damayiṣyāmy
eka atmānaṃ śamayiṣyāmy ekam ātamānaṃ parinirvāpayi- ṣyāmīti
dṛṣṭiḥ|
II. madhyasyā dṛṣṭivivṛtiḥ pūrvavat| kiñcit parārtharucir asau, ānāpā-
nasamādhinā nityānityatvaviyuktapudgaladarśanaṃ dhyānam| kumbha-
kena niśceṣṭhībhāvaḥ samādhimalaṃ jāḍyāvāhakatvāt|
III. śrāvaka-adhimātrasya bāhyārthāṅgīkāriṇaḥ śarīrasya nairātmya-
tāvyavasthāpanaṃ vivṛtiḥ| caturāryasatyaparijñāne pudgalasya śūnyatā-
darśanaṃ dhyānaṃ| atra ca duḥkhaṃ pañcaskandhasvarūpaṃ jñātavyaṃ|
samudayo vikalpaḥ prahātavyaḥ, nirodho vipaśyanā sākṣātkartavyaḥ,
mārgaḥ śūnyatā bhāvayitavyeti, śūnyatāyāḥ sadāśivarūpatādhyāropo dhyā-
namalam| dṛṣṭau punar asya parārthakāritāviśeṣaḥ|
IV. atra ca mṛduśrāvako niyatagotratvād akāruṇikatvāt śākyabuddha
evety eke| anye tu-
(p2)
sarve buddhā bhaviṣyanti nābhavyo bhuvi vidyate|
na kartavyo'vasādo'smāt samyaksambodhisādhane|| (6)
iti sattvānāṃ mṛduśrāvako'pi samyaksambuddho bhaviṣyatīti|
niyatagotraṃ tu kiñcit buddham apekṣata iti manyate| madhyas tu bhāvi-
pratyekabuddhaḥ| adhimātras tu catuḥkalpāsaṃkhyeyābhinirvartyabu-
ddha iti|
(pratyekabuddhayānaṃ)
I. pratyekabuddhayānasya vivṛtir adhimātraśrāvakasyaiva| ayaṃ ca pratipannapudgalaśūnyācintyatālakṣaṇānācāryasvayambhūjñānavipaśyanā-
śamathaḥ| tatra indriyān nirodho vipaśyanā pudgalasyānupalabdhiḥ
kāyavākcetasāṃ saṃyamaḥ śamathaḥ| idam asya dhyānam| atrāsannani-
drasya cetasaḥ sukhāvasthādhyānam, cetasaḥ suṣuptāvasthādhyānaṃ ca
samādhimalam| tatra pūrvasmin bhāskaramatānupraveśaḥ| tad uktam-
anāgatāyāṃ nidrāyāṃ pranaṣṭe bāhyagocare|
yā bhaven manaso'vasthā bhāvayet tāṃ prayatnataḥ|| (7)
iti| aparasmin tu vaiśeṣikamatānupraveśaḥ| tad āhuḥ nāgārjunapādāḥ-
ajānānaṃ hi prajñānaṃ nidrādṛṣṭāntasādhitam|
indriyoparataṃ yadvaj jñānaṃ vaiśeṣikaṃ matam|| (8)
bhagavataḥ pravacanam api-
varaṃ jetavane ramye śṛgālatvaṃ vrajāmy aham|
na tu vaiśeṣikaṃ mokṣaṃ gotvam āgantum arhati|| (9)
iti| dṛṣṭir api pūrvavat| ayam api catuḥkalpāsaṃkhyeyābhinirvartyabu-
ddhabhāvaḥ|
II. karuṇā cānayoḥ śrāvakapratyekabuddhayoḥ sttvāvalambanā, duḥ-
khaduḥkhatā-vipariṇāmaduḥkhatābhyām ahanyahani sattvān ālambya yā
karuṇotpadyate sā sattvāvalambanā| śrāvakasya deśanā vācakī pratyekabu-
ddhasya tu kāyikī| tad uktam-
(p3)
sambuddhānām anutpāde śrāvakānāṃ punaḥ kṣaye|
jñānaṃ pratyekabuddhānām asaṃsargāt pravartate|| (10)
(mahāyānaṃ)
(pāramitānayaḥ)
I. idānīṃ pāramitānayayogina ucyante| tatra mṛduḥ sautrāntikaḥ, asya
khalu paramāṇusañcayarupo'rthaḥ sākārajñānajanakaḥ| tasya ceyam eva
pratyavekṣaṇā yad uta sākārajñānajanakatvaṃ nāma| tad āhuḥ-
bhinnakālaṃ kathaṃ grāhyam iti ced grāhyatāṃ viduḥ|
hetutvam eva yuktijñā jñānākārārpaṇakṣamam|| (11)
iti vivṛtiḥ| viṣayebhayḥ parāvṛttendriyagrāmasyācintyatā dhayānam| tad
uktam abhyāsasyeyaṃ kalanā yat kālaḥ saṃkhyā kriyāyāḥ| tasmāt parica-
yaḥ kartavyaḥ| paricayaś ca-
cittaṃ niścitya bodhena abhyāsaṃ kurute yadā|
tadā cittaṃ na paśyāmi kva gataṃ sthitaṃ bhavet|| (12)
bhāvayed gṛhibhūte'pi ........ ṣilabdhākṣaṇam (?)
vajraparyaṅkam ādhāya nāsāgre cañcalaṃ manaḥ|| (13)
malam asya samādheḥ pūrvavat| tritayānupalabdhyā prajñāpāramitāsva-
bhāvena pañcapāramitācaraṇaṃ phalavaimukhyena sattvārthapariṇāmanā
tad dṛṣṭir iti|
II. madhyo yogācāraḥ| tatra sākārāravijñānavādī "ṣaṭkena yugapad yo-
gāt paramāṇoḥ ṣaḍaṅgate" ty ādinā nyāyena paramāṇūnām apy anupapat-
teḥ| cittamātram evedaṃ cittākāradhāri grāhyagrāhakabhāvavinirmuktaṃ
prakāśaṃ prakāśata iti pratipannavān| tad uktaṃ cittamātraṃ bho jina-
putrā ! yad uta traidhātukam iti| tathā cāhuḥ kīrtipādāḥ-
dhiyo nīlādirūpatve bāhyo'rthaḥ kiṃnibandhanaḥ|
dhiyo'nīlādirūpatve bāhyo'rthaṃ kiṃnibandhanaḥ|| (14)
iti| anyatrāpy uktam-
(4)
na citteṣu bharibhūtā indriyārthāḥ svabhāvataḥ|
rūpādipratibhāsena cittam eva hi bhāsate|| (15)
tasmāt cittam eva citrākāraṃ paraṃ nirapekṣaprakāśyaṃ prakāśata iti
sākāravijñānavādiyogācārasya vivṛtiḥ|
nirākāravādiyogācaras tu cittam eva idam anākārasvasamvedanarūpaṃ
iti manyate| tad uktam-
bhāhye na vidyate hy artho yathā bālair vikalpyate|
vāsanāluṭhitaṃ cittam arthabhāsaṃ pravartate|| (16)
yāvad ābhāsate yac ca tan māyaiva ca bhāsate|
tattvato hi nirābhāsaḥ śuddhānantanabhonibhaḥ|| (17)
niṣprapañco nirābhāso dharmakāyo mahāmuneḥ|
rūpakāyau tadudbhūtau pṛṣṭhe māyaiva tiṣṭhate|| (18)
iti vivṛtiḥ|
vidhūtasakalavikalpasaccittādvaitasākṣātkaraṇaṃ dhyānaṃ sākāravādi-
naḥ| tad uktam-
yatra yatra mano yāti jñeye tatraiva yojayet|
calitvā yāsyate kutra sarvam eva hi tanmayam|| (19)
iti| śātādvayācintyaniṣprapañcanirābhāsacittasākṣātkaraṇaṃ dhyānaṃ
nirākāravādinaḥ| tathā ca-
rūpam asya mataṃ svacchaṃ nirākāraṃ nirañjanam|
śakyaṃ tena na hi jñātum abuddhena kadācana|| (20)
vijñaptimātram evadam ity api hy upalambhataḥ|
sthāpayann agrataḥ kiñcit tanmātre nāvatiṣṭhate||(21)
yadā tv ālambanaṃ jñānaṃ naivopalabhate tadā|
sthitaṃ vijñānamātratve grāhyābhāve tad agrahāt|| (22)
paramārthasannityasākāravijñānasamādhau bhagavataḥ saṃsthitavedānta-
vādimatānupraveśaḥ| sa hi paramārthasannityaṃ svacid rūpabrahmābhi-
(5)
nnapariṇāmarūpaṃ jagad icchati| tathā coktam-
yad yad vai dṛśyate kiñcit tat tat brahmeti kalpayet|
tato nānyagataṃ cittaṃ brahmaṇy evāvatiṣṭhate|| (23)
iti samāhimalaṃ sākāravādinaḥ|
evaṃ nirākāravādināpi nityanirābhāsaniṣprapañcasvasamvedanavijñāna-
bhāvanāyāṃ bhāskaramatasthitavedāntavādimatānupraveśaprasaṅgaḥ| so
'pi vyapagatasakalanāmarūpaprapañcopaplavaviśuddhaprakāśānandagha-
nanityabrahmābhyupagacchati|
bodhāmbhodhau mayi svacchaṃ tac chāyam viśvabuddhayaḥ|
udito vā pralīno vā na vikalpāya kalpate|| (24)
iti nirākāravādinaḥ samādhimalam| dṛṣṭir anayoḥ pūrvavat|
III. adhimātro mādhyamikaḥ| tatra māyopamādvayavādinaḥ vivṛtiḥ-
na san nāsan na sadasan na cāpy anubhayātmakam|
catuṣkoṭivinirmuktaṃ tattvaṃ mādhyamikā viduḥ|| (25)
asya cāyam arthaḥ| na sad bādhāyogāt, asad api na cābhāsanavaśāt, tathā
doṣād dvandvāt ubhayam api na, nāpy anubhayaṃ tathā bodhābhāvād iti|
api ca pūrvetaraparāmarśāt-
mūrtiś citre yathāvastuśakti- - skavāsaṅgaḥ (?)! (26)
sa hi māyopamādevayeti vivṛtiḥ| asyaiva ca māyopamādvayasya bhāvanā
dhyānam| yas tatrocchedābhiniveśas tad dhyānamalam| māyopamādva-
yādhimokṣataḥ ṣaṭpāramitāparipūriṇī dṛṣṭiḥ| sarvadharmāpratiṣṭhānavādi-
nāṃ tv ayaṃ vicāraḥ-
na matam śāśvataṃ viśvaṃ na cocchedisamīhitam|
śāśvatocchedino yugmāṃ nānubhayaṃ vinobhayam|| (27)
savasminn apraṭiṣṭhāne vastutattvaṃ vidur buddhāḥ|
athaiṣā kalpanā naiva yac cid vetti na cittatām|| (28)
yo vit sarvasamāropaḥ sa sarvaḥ sarvathā na hi|
(6)
madhyamārtho nirāropas tatrāpohavidhī kutaḥ|| (29)
anābhogaṃ hi yad jñānaṃ tac cāintyaṃ pracakṣate|
sañcinti yad acintyaṃ vai tad acintyaṃ bhaven na hi|| (30)
yenājātaṃ jagad buddhaṃ buddhiḥ śuddhaiva bodhataḥ|
nijaṃ tasya jagat satyam anābhogena dhīmataḥ|| (31)
tad uktam-
sarvāropavinirmukte svatas tattve cakāsati|
śūnyatādyabhidhānais tu tatrāropanirākriyā|| (32)
asya ca vicārāya āyātasya arthasya anāroparūpasya anabhiniveśavihāreṇa
sākṣātkriyā dhyānaṃ| sarvārthocchedo jaḍībhāvaḥ samādhimalam| anāro-
peṇa ṣaṭpāramitāparipūraṇaṃ dṛṣṭiḥ|
IV. atra mṛdumadhyayor dharmāvalambanā karuṇā| dharmāvalam-
banā cānityatāvyasanasampātinaḥ sarvadharmān ālambya utpadyate yā
sā boddhavyā| abhimātrasya ca ālambananiḥsvabhāvā manaskāradharmā-
dhigamānālambanā karuṇā| kāyatrayavyavasthā cāsya maitreyanāthair
uktā| tathā ca-
karoti yena citrāṇi hitāni jagataḥ samam|
ā bhavāt so'nupacchannaḥ kāyo nairmāṇiko muneḥ|| (33)
dvātriṃśallakṣaṇāśītivyañjanātmā muner ayam|
sāmbhogiko mataḥ kāyo mahāyānopabhogataḥ|| (34)
sarvākārāṃ viśuddhiṃ ye dharmāḥ prāptā nirāsravāḥ|
svābhāviko muneḥ kāyas teṣāṃ prakṛtilakṣaṇaḥ|| (35)
iti|
(mantranayaḥ)
mantranayas tu asmābhir ihātigambhīratvād gambhīranayādhimuktika-
puruṣaviṣayatvāt caturmudrādisādhanaprakāśanavistaratvāc ca na vyāk-
riyate| tathā ca-
(7)
ekārthatve'py asaṃmohāt bahūpāyād aduṣkarāt|
tīkṣṇendriyādhikārāc ca mantraśāstraṃ viśiṣyate|| (36)
kṛtaś cāsmābhir atra sekanirṇayo nāma granthaḥ|
(avasānaṃ)
nanu yadi mahāyānanirṇīta evārthaḥ paramārtho'sti atra kim arthaṃ tarhi
śrāvakapratyekabuddhayāne bhagavān deśitavān, tan na , mahāyānaprāpya-
prāpanārtham eva śrāvakapratyekabuddhayānasopānayor nirmāṇāt| tad
uktam-
ādhikarmikasattvasya paramārthāvatāraṇe|
upāyas tv ayaṃ sambuddhaiḥ sopānam iva nirmitaḥ|| (37)
saddharmapuṇḍarīke'py uktam-
ekaṃ tu yānaṃ hi nayaś ca eka ekā ciyaṃ deśana nāyakānāṃ|
upāyakauśalya mamaivarūpaṃ yat trīṇi yānāny upadarśayāmi|| (38)
nāgārjunapādair apy uktam-
dharmadhātor asaṃbhedād dhyānabhedo'sti na prabho|
yānatritayam ākhyātaṃ tvayā sattvāvatārataḥ|| (39)
anyatrāpy uktam-
muktis tu śūnyatādṛṣṭis tadarthāśeṣabhāvaṇā| (40)
iti| idaṃ ca yānatritayaprakāśanaṃ manyamānaśūnyatā saiva bhagavato
'vagantavyaḥ| tathāhi-
nodāhṛtaṃ tvayā kiñcid ekam apy akṣaraṃ vibho|
kṛtsnaś ca vaineyajano dharmavarṣanatarpitaḥ|| (41)
cintāmaṇir ivākampyaḥ sarvasaṅkalpavāyubhiḥ|
tathāpi sarvasattvānām aśeṣāśāprapūrakaḥ|| (42)
cakrabhramaṇayogena nirvikalpe'pi tāyinaḥ|
sambhāro vedhasāmarthyāt deśanā sampravartate|| (43)
yānānāṃ nāsti vai niṣṭhā yāvac cittaṃ pravartate|
(8)
parāvṛtte tu vai citte na yānaṃ nāpi yāyinaḥ|| (44)
saddharmaratnaghaṭikā vāg hy atra grathitāmalā|
hṛdaye kriyatāṃ dhīrās tattvaratnāvalī mude|| (45)
saṃgrahe tu priyatvena vistaradveṣiṇā mayā|
bhūrir anuttame tasmin kṣantavyo vistarapriyaḥ|| (46)
vidhāya bhavyārthanāyaprayatnād imaṃ mayā grantham anuttarā-
rtham|
ālambhi yat puṇyam anena lokas tathāgatatvaṃ labhatām alabhyam|| (47)
tattvaratnāvalī samāptā|
kṛtir iyaṃ paṇḍitāvadhūtādvayavajrapādānām||
(9)